रमेश थोरात यांच्या प्रचार संवाद दौऱ्याला उत्स्फूर्त प्रतिसाद
दौंड प्रतिनिधी, ता. ५ : दौंड विधानसभा निवडणुकीचा जोर सध्या वाढु लागला आहे. यामध्ये राष्ट्रवादी काँग्रेस पार्टी शरदचंद्र पवार पक्षाचे उमेदवार रमेश थोरात यांनी प्रचार संवाद दौरा आयोजित केला होता. या दौऱ्यामध्ये लोकांचा उत्स्फूर्त प्रतिसाद मिळाला असल्याचे पहावयास मिळाले. यामध्ये नानगाव, कानगाव, हातवळण, कडेठाण, दापोडी या गावांमध्ये प्रचार संवाद दौऱ्यात मोठ्या प्रमाणात गर्दी पहावयास मिळाली.
दापोडी येथे बाईक रॅली काढण्यात आली तर कानगाव येथे बैलगाडीमधुन मिरवणूक काढण्यात आली. दापोडी येथे भाजप कार्यकर्त्यांनी राष्ट्रवादी काँग्रेस शरदचंद्र पवार पक्षात प्रवेश केला. यामध्ये छबु रुपनवर माजी ग्रामपंचायत सदस्य, शरद थोरात,नारायण नरुटे,संजय ठोंबरे व आदी मान्यवरांनी प्रवेश केला. यावेळी नागरिकांनी आलेल्या अडचणीचा पाढा रमेश थोरात यांच्या समोर वाचला. यावर तोडगा काढण्याचे आश्वासन रमेश थोरात यांनी यावेळी दिले.