पारगावकर बिबट्याच्या हल्ल्याने भयभीत !
प्रतिनिधी : दौंड तालुक्यातील पारगाव (सा .मा) येथील कवडेवाडीतील जनार्धन पांडुरंग कऱ्हे या शेतकऱ्याच्या ता .०९ जाने रोजी बिबट्याने मध्यरात्री २
ते ३ वाजण्याच्या सुमारास ४ शेळ्यांचा फडशा पाडला. यापूर्वीही काल रात्रीच गोलांडे वस्ती येथे २ शेळ्या वरती बिबट्याने हल्ला चढवून जागीच मृत केले होते . तसेच या घटना परिसरात वारंवार होत असून, याकडे वनविभाग जाणीवपूर्वक दुर्लक्ष करत असल्याचे यावेळी येथील नागरिकांनी खंत व्यक्त करून दाखवली.
कऱ्हे यांच्या घराच्या शेजारीच जनावराचा गोठा आहे . यामध्ये गाई ,बकरी ,शेळ्या अशी जनावरे आहेत . संपूर्ण गोठ्याला जाळीचे आवरण आहे . परंतु शेजारीच असलेल्या उसाच्या शेतातून मध्यरात्रीच्या सुमारास बिबट्याने खुसकीच्या मार्गाने या शेळ्यावरती हल्ला चढवून जागीच मृत केले . सकाळी कऱ्हे हे गोठ्यात गेले असता त्यांना हि घटना दिसून आली. त्यानंतर त्यांनी वनविभागाला संपर्क करून हि घटना सविस्तरपणे सांगितली आहे .परंतु अद्याप पर्यंत कोन्हीही घटना स्थळी फिरकलेले नाही .
ग्रामपंचायतीने पाठपुरावा करून वनविभागाकडून पिंजरा लावणे अपेक्षित आहे.भविष्यात हा बिबट्या मनुष्यावरती व लहान मुलांवरती हल्ला करेल तरी याला जबाबदार कोण ? लवकरात लवकर पिंजरा लावावा अशी मागणी यावेळी येथील स्थानिक नागरिकांनी केली आहे .